Councilor Plaridel Nava, mapilitan nga magpasaka sang kaso kon indi makahatag ang mga department head sang listahan sang mg job hire sa city government

Iloilo City — Mapilitan si Councilor Plaridel Nava nga magpasaka sang kaso kon indi makahatag ang mga department head sang listahan sang mga job hires sa city government.

Public records suno sa konsehal ang pagpabalo sa mga pumuluyo sa pagpaguwa sang listahan sang mga job hire kag wala sang dapat taguon ang mga opisyal sang gobierno.

Nagpasalamat naman si Nava nga nagpasalig ang mga department heads sa budget deliberation para sa 2016 Annual Budget nga magahatag sang listahan sang mga job hires.

Kalakip sa mga nagpasalig amo ang City Treasurer’s Office, Local Economic Enterprise Office (LEEO) kag City Assessor’s Office samtang nagakahatag na sang listahan ang City Registrar’s Office.

Pangayuan man ni Nava sang listahan sang job hire ang iban nga department heads nga magatambong buwas sa budget deliberation. (JoMaque)