Police nga Nagaserbi Protektor sang mga Druglord, Indi pagpatawaron sang PRO-6

Iloilo City — Indi pagpatawaron sang Police Regional Office 6 ang police nga nagaserbi protektor sang mga druglord.

Kasunod ini sa pagtawag ni PRO-6 Director Bernardo Diaz nga criminal ang police nga nadalahig sa illegal drug activities.

Ang pahayag ni Diaz bilang reaction sa pagserbi sang search warrant sa balay ni anay Police Officer Marcelino Melendes sa Hibao-an, Mandurriao nga nakuhaan sang 31 ka plastic sachet sang suspected shabu, mga pusil kag 2 ka granada.

Ginpasalig man ni Diaz nga ginapabaskog pa gid ang kampanya batuk sa illegal drugs paagi sa Operation Lambat Sibat sang Philippine National Police. (Nemesio Martirez)