Estasyunan sang Aksyon Radyo Iloilo, gintuyo nga sakaun sang armado nga kalalakihan!
Read Time:1 Minute, 39 Second
Iloilo City — Gintuyo nga sakaun ang estasyonan sang Aksyon Radyo Iloilo sang armado nga kalalakihan alas 12:50 kaina sang kaagahon.
Ginpangunahan sang lalaki nga ginabanta naga-edad sang 50-anyos, naka-eye glasses kag nakasoksok sang short pants nga may nakasukbit nga pusil ang pagsulod sa estasyonan.
Kaupod sang nasambit nga lalaki ang 20 pa ka iban nga armado man sang pusil.
Papuwersa nga nagsulod ang armado nga lalaki sa premises sang Carlos Uy Building sa Benigno Aquino Avenue, Mandurriao sa diin nahamtabg ang broadcast center kag business office sang Aksyon Radyo.
Makita sa CCTV footage sang estasyunan ang lalaki nga nagpanaog sa luxury vehicle kag may back-up nga indi magnubo sa 9 ka salakyan halin sa Boardwalk Area.
Pagpark sang salakyan sa kilid sang Benigno Aquino Avenue, nagpanaug ang lalaki samtang naga-uyat sang pusil sa kilid sang iya lawas kag nagsulod sa cyclone wire fence sa atubang sang building.
Nag-diretso ini sa iron grill nga gate pasaka sa building samtang ginasundan sang iya mga kaupdanan kag gintuyo pa nga punggan.
Wala nakasulod ang nasambit nga lalaki bangud naka-lock ang gate. Antes nagbalik sa salakyan, ginbulya pa sang lalaki ang gate sang makapila ka beses kag gindala palagyo ang CCTV camera sang estasyunan.
“Indi makapugong sa krusada”
Ginpasiguro sang tagdumalahan sang Aksyon Radyo Iloilo nga indi makapugong sa krusada sang estasyunan batuk sa korapsyon, kriminalidad kag away kontra sa illegal nga druga ang mga pamahog nga nabaton.
Kasunod ini sang tuyo nga pagsaka sa estasyunan sang grupo sang nga kalalakihan kaina sang kaagahon kag pagkuha sang isa ka CCTV camera.
Nagapati si Station Manager John Paul Tia nga naapektuhan ang mga suspek sa nangin komentaryo sang Aksyon Radyo.
Partikular nga gintumod sini ang komentaryo ni Aksyon Jun Capulot angut sa illegal nga druga sa programa sini nga Aksyon Night Patrol.
Nnagapakita lang ini suno sa iya sang risgo sa trabaho indi lang sa mga personnel sang Aksyon Radyo kundi sa iban man nga katapo sang media. (JoMaque)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
3 ka venues sa Iloilo City, hiwatan sang voter registration para sa 2022 BSKE
ILOILO CITY -- Tatlo ka mga venues sa siyudad sang Iloilo ang hiwatan sang voter registration sang City- Commission on...
Maestra nga nagpahulam sang sapatos sa graduating student sa graduation rites sa Pototan, wala maglaum nga ma-trending sa social media ang iya ginhimo
ILOILO -- Naga-isahanon nga naka-sandals si Mikay Coronado sa mga graduating students kadungan sang graduation rites sang Pototan National Comprehensive...
JR Gasoline Station sa Sta. Barbara, Iloilo, ginhold-up; Suspects nga driver, conductor sang E-bus, yara na sa kustodiya sang kapulisan
ILOILO – Ginhold-up ang JR Gasoline Station sa Barangay Balibagan Este, Sta. Barbara kagab-i, Hulyo 2. Ginkilala ang mga tagreklamo...
Transport cooperative, nakibot sa desisyon nga i-suspend temporaryo ang pagpatuman sang LPTRP
ILOILO CITY -- Gin-ako ni Western Visayas Transport Cooperative (WVTC) President Raymundo Parcon nga ginkakibot nila ang temporaryo nga pag-suspend...
Habal-habal driver, patay sang natumba sa ginakay-o nga karsada sa Calinog
ILOILO – Wala nakaluwas ang habal-habal driver sang natumba sa ginakay-o nga dalan sa Sitio Simadbad, Brgy. Mambiranan, Calinog las-7:30...
Implementasyon sang LPTRP sang Iloilo City, suspendiron sang siyudad sang 45 ka adlaw sugod Hulyo 8, 2022
ILOILO CITY – May pito pa ka adlaw nga transition period ang Iloilo City Government antes temporaryo nga suspendiron ang...
Average Rating