Nagkalain-lain nga sector sa syudad, nagbuylog sa misa kag candle-lighting activity sa atubang sang Aksyon Radyo Iloilo bilang pagpakita sang suporta sa estasyunan kag pagdumdum sa ika-6 nga anibersaryo sang Maguindanao Massacre

Iloilo City — Ginbuylugan sang mga cause-oriented groups, transport sector kag mga individual ang ginhiwat nga misa sang religious groups malapit sa estasyunan sang Aksyon Radyo Iloilo para sa ika-6 nga anibersaryo sang Maguindanao Massacre.

Pagsuporta man ini sa kawsa sang Aksyon Radyo kasunod sang tuyo nga pagsaka sa estasyunan sang armado nga kalalakihan sang nagligad nga semana.

Gin-officiate nanday Rev. Canon Franz Foerster kag Rev. Gemma Gregorias sang Iglesia Filipina Independiente ang amo nga misa.

Naghiwat man sang vigil, candle lighting activity kag pagpirma sa freedom wall ang nasambit nga mga grupo samtang nagapanawagan sang hustisya sa mga biktima sang massacre kag pagpakita sang suporta sa Aksyon Radyo.          Magalawig tubtub sa Nobyembre 30 ang amo nga aktibidad. (JoMaque)