November 29, 2021

Iloilo Provincial Board, nagpasar sang resolution bilang suporta sa Aksyon Radyo Iloilo

Read Time:48 Second

Iloilo–Nagsuporta ang Sangguniang Panlalawigan sa Aksyon Radyo Iloilo matapos gintuyo nga sakaon sang armado nga grupo ang estasyunan sang Nobyembre 19 sang kaagahon.

Ginpasar sang Provincial Board ang ginduso nga resolution ni Board Member Manny Gallar, chairman sang Committee on Police Matters, nga nagapanawagan nga suportaran kag respetuhon ang press freedom. Kinahangman man suno kay Gallar ang seryoso kag ma-id-id nga imbestigasyon sang mga pulis agud mahibaluan ang matuod-tuod nga rason sang tuyo nga pagsaka sang grupo sang negosyante nga si Melvin Odicta Sr, ang gintudlo ni PDEA 6 Director Paul Ledesma nga top drug personality sa syudad.

Dugang ni Gallar, naga-upod ang Sangguniang Panlalawigan sa singgitan sang mga Ilonggo nga nagapamatuk sa tikang sang mga poderoso agud punggan nga makahambal ang mga katapo sang media. Hatagan sang kopya sang resolution si PRO-6 Director C/Supt. Bernardo Diaz.

Nagco-sponsor naman sa resolution sanday 2nd District Board Members Demy Sonza kag June Mondejar. (Aine Grace Bravo)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Kwarta nga ebidensya sa mga kaso may kaangtanan sa illegal drugs, ginkawat sa investigating room sang Guimbal Police Station
Next post Pag-extend sang ruta sang Ceres Bus Liner padulong sa ila bag-o nga terminal sa Buhang, ginatugtan sang LTFRB 6