July 4, 2022

PRO 6, nagaplano magtukod sang Task Force nga magatutok sa kaupdanan ni PDEA-identified Top Drug Personality Melvin Odicta Sr.

Read Time:51 Second

Iloilo City — Plano sang Police Regional Office (PRO) 6 nga magtukod sang task force nga magatutok sa kaupdanan ni Melvin Odicta, Sr, ang una na gin-identify ni PDEA 6 Director Paul Ledesma nga lider sang Odicta Drug Group kag isa sa mga nagtuyo sa pagsaka sa Aksyon Radyo Iloilo sang Nobyembre 19 sang kaagahon.

Suno kay Supt. Moises Villaceran Jr, pagatutukan sang task force ang pag-identify sa iban pa nga kaupdanan ni Odicta Sr.

Tatlo ka semana makaligad ang insidente, nagapabilin nga tatlo pa lang ang nakilala sang mga otoridad sa grupo nga ginalakipan ni Odicta Sr, bata sini nga si Melvin Odicta Jr. kag Monica-Blumentritt City Proper Barangay Kagawad Jesus “Jingjing” Espinosa.

Ginadiskusyunan pa kon san-o ipasad ang task force samtang ginahulat man ang report sang Mandurriao PNP kag Iloilo City Police Office (ICPO) kon ano na ang naguwa sa ila imbestigasyon sa natabu.

Natalana sa Disyembre 10 ang senate investigation sa pagpanguna ni Senador Grace Poe may kaangtanan sa tuyo nga pagsaka sa Aksyon Radyo. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post 30-anyos nga Lalaki, nang-hostage sang 3 ka tuig nga hinablos matapos naakig sa iya amay!
Next post Balay sa Manduriao, gin-arado sang Montero Sports!