Mayor Jed Patrick Mabilog, Nagpasalig nga Indi na Masulit ang Tuyo nga Pagsaka sang mga Armado nga Kalalakihan sang Estasyunan sang Aksyon Radyo Iloilo

Iloilo City — Nagpasalig si Mayor Jed Patrick Mabilog nga indi na masulit ang tuyo nga pagsaka ni PDEA identified top drug personalitity Melvin Odicta Sr sa estasyunan sang Aksyon Radyo Iloilo sang Nobyembre 19 sang kaagahon.

Ginmandu na ni Mabilog sa kapulisan ang seryoso nga pag- imbestigar sa kaso kag ginakabig gihapon nga mapalaron ang taga- Aksyon Radyo bangud sirado ang gate sang building kabangdanan nga wala nakasulod si Odicta.

Kon nakasulod si Odicta sa estasyunan sang Aksyon Radyo suno kay Mabilog, pat-od nga may madug-an kag mahimo nga maapektuhan ang imahen sang siudad.

Respetuhon man suno alkalde ang freedom of expression sang mga katapo sang media kag indi pagpahiposon sa ila panan-awan kag komentaryo.

Mangin seryuso ang City Government, Police, PDEA kag Media sa kampanya batuk sa illegal drugs bangud kon pabay-an ini sigurado nga apektado ang pamilya sang tagsa-tagsa.

Ang pahayag sang akalde kasunod man sa ginhiwat kahapon nga legislative meeting ni Senator Grace Poe,  chairperson sang Senate Committee on Public Order and Dangerous Drugs sa Provincial Capitol may kaangtanan sa illegal drug trade sa siudad kag tuyo nga pagsaka sang armado nga grupo sa estasyunan sang Aksyon Radyo Iloilo. (Nemesio Martirez)