Lalaki nga ginpahayag may deperensya sa paminsaron, patay matapos ginmartilyo kag ginbuno sang iya amay!
Barotac Nuevo, Iloilo–Patay ang lalaki nga gin-alegar may deperensya sa paminsaron matapos ginmartilyo kag ginbuno sang iya man lang amay sa Barangay Agcuyawan Pulo kagab-i.
Gindala pa sa Western Visayas Medical Center si Larry Belonio, 35-anyos, apang wala natabangan bangud sang pilas sa ulo kag dughan. Ginpahayag nga natak-an na ang amay sa iya anak gani ginlampusan sini sang martilyo kag ginbuno.
Preso na sa karsel sang Barotac Nuevo PNP ang amay sang biktima. (Aine Grace Bravo)