Masobra 23 ka oras nga standoff sa El Haciendero Private Hotel sa Jaro, natapos na matapos nagdesisyon ang SWAT Team nga sudlon si PO2 Gary Catedral!
Read Time:1 Minute, 15 Second
Iloilo City — Natapos na ang standoff sa El Haciendero Private Hotel sa M. Jaime Street Jaro makaligad ang masobra 23 ka oras nga pagpakuribong ni PO2 Gary Catedral.
Ginsalakay sang Special Weapons and Tactics (SWAT) Team sang Iloilo City Police Office (ICPO) kag Iloilo Police Provincial Office (IPPO) ang Room 12 sa 2nd Floor sang hotel nga ginatineran sang pusil.
Suno kay Supt. Kim Legada, hepe sang Iloilo City Public Safety Company, ginmandu niya ang indi pagpatyon si Catedral kag i-neutralize lang agud nga mauntat na ang ginahimo sini nga perwisyo sa hotel kag sa mga pumuluyo.
Nabuy-an ni Catedral ang 9mm pistol matapos gintiro sa tuo nga abaga sang mga miembro sang SWAT.
Ginkarga gilayon sa ambulansya ang pulis kag gindala sa West Visayas State University Medical Center.
Ginpahayag ni Legada nga arestado ang status ni Catedral kag ipaidalum sa psychiatric evaluation kag drug test agud mahibaluan ang matuod sini nga problema.
Gin-pullout sang management sang El Haciendero Private Hotel ang ila mga guest kahapon sang hapon matapos nagpinalupok sang pusil si Catedral.
Nagkinaran-karan man paguwa sa hotel ang mga empleyado sang hotel sa kahadlok nga madalahig sa standoff.
Si Catedral ang gin-charge nga absence without leave (AWOL) bangud masobra isa ka bulan na ini nga wala nakareport sa Iloilo City Public Safety Company. (JoMaque)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
SK President sang San Miguel, gintiro ang nakaba-is niya sa social media
ILOILO -- Pilason ang 30-anyos nga lalaki sang gintiro sang Sangguniang Kabataan (SK) Federation President sang San Miguel, Iloilosa Barangay...
1 patay 3 pilasan sa pagbungguanay sang duha ka motorsiklo sa San Rafael, Iloilo
ILOILO -- Patay ang 18-anyos nga lalaki nga nagamaneho sang iya motorsiklo sang nabungguan sang kasugata niya nga motorsiklo sa...
Alimodian Vice Mayor Geefre Alonsabe, indi pabor sa ginaduso nga same sex union
ILOILO -- Indi pabor si Alimodian Vice Mayor Geefre “Kalay” Alonsabe sa hagna ni Senator Robinhood “Robin” Padilla nga naga-institutionalize...
Anini-y, Antique, gintay-ug sang magnitude 5.1 nga linog
Sa Earthquake Information No.2 sang PHIVOLCS, na-record ang magnitude 5.1 nga linog sa Anini-y, Antique las-12:25 subong nga hapon. Mas...
19-anyos nga pintor, ginbuno sang menor-de-edad nga nakasakay kag nakabais niya sa jeep
ILOILO CITY -- Confined sa West Visayas State University-Medical Center ang 19-anyos nga pintor sang ginbuno sang iya nakasakay sa...
250 KA PULIS NGA GIN-REQUEST NI ILOILO CITY MAYOR TREÑAS IBUTANG SA COMMAND CENTER SANG SIYUDAD
ILOILO CITY – Naghingyo si Mayor Jerry Treñas sang dugang nga mga pulis nga ibutang sa Iloilo City Action and...
Average Rating