PRO 6, magalunsar sang Drug Abuse Resistance Education (DARE) Program sa mga pampubliko nga eskuwelahan!

Iloilo City — Magalunsar sang Drug Abuse Resistance Education (DARE) program ang Police Regional Office 6 sa mga pampubliko nga eskuwelahan sa pagbalik sang klase sa masunod nga tuig.

Ipaathag sa DARE program suno kay PRO 6 Public Information Officer Supt. Gilbert Gorero ang malain nga epekto sa pagamit sang illegal nga druga.

Target sang programa ang mga Grade 5 kag Grade 6 pupils nga mahapos mahaylo sa pagamit sang illegal nga druga.

Magalawig ang programa sang 17 ka semana kag nahanas man sa DARE program ang PNP personnel nga maga-lecture.

Ginmanduan na ni PRO 6 Director Bernardo Diaz ang tanan nga station commander sa Western Visayas nga mag-lecture sang DARE program sa pagbalik sang klase sa masunod nga tuig.

May memorandum of agreement ukon MOA ang DARE program nga ginpirmahan sang Dep-Ed, PNP kag Philippine Drug Enforcement Agency (PDEA).  (JoMaque)