Lapsag nga lalaki, nasapwan nga ginasubayan sa kahilamunan sa La Paz!

Iloilo City — Ginasubayan sang nasapwan ang buhi pa nga lapsag nga lalaki sa kahilamunan sa magsaysay La Paz.

Suno kay Kenjie tupas, bata sang nakakita nga si Angeles Tupas, una nila nabatian nga may nagahibi mga alas-11 kahapon sang aga pero wala nila ginsapak sa pagdumdom nga kuring lang nga naga-ingaw.

Apang liwat nga nabatian ang hibi alas-11 kagab-i kag sang ginpangita, nasapwan ang lapsag nga ginapatihan tatlo ka adlaw pa lang nga natawo.

May mga pilas sang pagkagat sang subay ang lapsag gani nga nagtawag sang police ang pamilya tupas agud madala sa ospital.

Positibo naman ang response sang bata sa ospital suno sa La Paz police.

Nagapati ang pamilya Tupas nga ginbilin ang lapsag sang wala pa nakilala nga iloy sini. (JoMaque)