SPO1 Arnold Lizada nga gintudlo nagtiro patay sa iya opisyal nga sa 2nd Manuever Platoon sa Janiuay, gin-engganyo ni IPPO OIC Roderick Augustus Alba nga mag-surrender
Iloilo — (UPDATE) Gina-engganyo ni Iloilo Police Provincial Office OIC Senior Supt. Roderick Augustus Alba si SPO1 Arnold Lizada nga mag-surrender na kag sabton ang iya nga pagtiro patay kay Inspector Christian Lee Nelmida, team leader sang 2nd Maneuver Platoon nga naka-base sa Jibolo Janiuay antes ang pagbulag sang 2015.
Suno kay Alba, indi maghulag ang paghatag sang hustisya sa biktima kon padayon nga magpanago si Lizada.
Mas maayo suno kay Alba nga magsungka na si Lizada agud makapa-athag man ini sang iya bahin sa natabu.
May mga surrender feelers man halin kay Lizada apang tubtob subong, wala gihapon ini nagsungka.
Ginpasiguro ni Alba kay Lizada nga wala sang matabu diri kon mag-surrender. (JoMaque)