Linibo ka high school students, nag-upod sa Barkada Kontra Druga convention sa Pototan
Pototan, Iloilo–Masobra tatlo ka libo ka mga high school students sa nagkalain-lain nga eskuwelahan sa probinsya ang nagbuylog sa ‘Barkada Kontra Druga’ Convention and Community Outreach Program of Activities sang Department of Education kaina sang aga.
Nagpadulong sa Pototan ang mga estudyante halin sa 1st tubtob 5th districts agud mag-upod sa foot parade kag nagpartisipar sa mga aktibidad sa Pototan Astrodome. Nangin dinapit nga bisita si Governor Arthur Defensor, Board Member Licurgo Tirador, IPPO Director Sr/Supt. Roderick Augustus Alba, PDEA 6 Director Paul Ledesma, Chief Inspector Ariel Corsino nga hepe sang Pototan PNP, mga katapo sang media lakip na si Aksyon Radyo Station Manager John Paul Tia kag mga high school teachers.
Nangin highlight sa programa ang pag-share sang experyensya sang duha ka mga anay drug dependents angut sa malain nga epekto sang druga sa ila kabuhi kag pamilya. (Aine Grace Bravo)