Comelec gun ban, gin-implementar na kadungan sang pagsugod sang election period subong nga adlaw

Iloilo–Ginpangunahan ni Police Regional Office (PRO) 6 Director PCSUPT Bernardo Diaz ang pagtsekyar sa mga Comelec checkpoints sa pagsugod sang election period alas-12:01 kaina sang kaagahon.

Kaupod ni Diaz sa paglibot sa mga checkpoints kaina sang kaagahon sanday Comelec 6 Director Atty. Dennis Ausan kag Colonel Erick Uchida, ang 301^st brigade commander sang Philippine Army. Sa probinsya, nagpanguna sa pag-man sang checkpoints si Iloilo Police Provincial Office Director PSSUPT Roderick Augustus Alba samtang si Iloilo City Police Office OIC PSSUPT Kashmir Disomangcop naman sa syudad.

Kadungan sa pagsugod sang election period nga magalawig tubtob sa Hunyo 8, gin-implementar man ang Comelec gun ban sa diin ginadumili ang pagbitbit ukon pagtransport sang pusil kag iban pa nga hinganiban magluwas lang kon may written persmission halin sa Comelec. (Aine Grace Bravo)