Mga senior citizens sa Pilipinas, dapat hatagan sang pagtamud sang gobyerno suno sa anay punong barangay sa Iloilo City

Iloilo City–Dapat hatagan sang importansiya ang mga senior citizens sa Pilipinas pareho sang paghatag importansiya sa mga tigulang sa iban nga nasyon.

Ini ang pahayag ni anay Punong Barangay Arsenio Pedrosa sang Barangay Bolilao, Mandurriao bilang reaksyon sa pagveto ni Presidente Noynoy Aquino sa 2 thousand peso-proposed pension hike sa mga SSS pensioners. Suno kay Pedrosa, dire sa Pilipinas ginabalewala ang mga tigulang sa Pilipinas. Awat pa man kuntani suno sa iya ang dugang nga 2 mil pesos sa ginabaton niya nga mil 500 pesos nga pension kada bulan para sa iya bulong kag iban pa nga kinahanglanon.

Wala nahinago ni Pedrosa ang pagkadismaya sa desisyon sang pangulo. Mas maayo pa suno sa iya ang mga opisyal sang gobyerno bangud daku ang ginsaka sa suweldo bisan pa nga busog na sila sa pangurakot. (Aine Grace Bravo)