Nagtumpok nga mga basura kag mapangsot nga palibot, nabugtawan sang mga taga-syudad matapos ang highlight sang Dinagyang Festival

Iloilo City — Nagatumpok nga basura kag mapangsot nga palibot ang nabugtawan sang mga taga-syudad pagkatapos sang highlight sang Dinagyang Festival.

Suno kay Engr. Raul Gallo sang General Services Office, ginatinguhaan nila nga maubos tipon ang tanan nga basura antes magbalik ang klase sa mga pampubliko kag pribado nga eskwelahan buwas.

10 ka trucks ang gindesignar sang GSO agud maghakut sang mga basura.

Gintumod nga isa sa mga rason kon ngaa mahinay ang paghakut amo ang delay man nga pagpangguba sang mga kiosko sa food festival.

Gingamitan naman sang GSO sang bulong ang flushing sang mga portalets nga ginpahamtang sa lain-lain nga lugar agud nga madula ang baho. (JoMaque)