Jeffrey Celiz, nagsumiter na sang irrevocable resignation bilang EA for Political Affairs ni Mayor Jed Patrick Mabilog

Iloilo City — Nagsumiter na sang iya irrevocable resignation kay Mayor Jed Patrick Mabilog si Executive Assistant for Political Affairs Jeffrey Celiz.

Nasaad sa sulat ni Celiz nga nagdesisyun ini nga mag-resign agud sabton personal ang mga kontrobersyal nga isyu kag malikaw ang alkalde sa eskandalo.

Ginpanghiwala man ni Celiz nga nagresign siya bangud nadalahig ang iya pangalan sa senate inquiry sang Committee on Public Order and Dangerous Drugs nga ginpamunuan ni Senator Grace Poe.

Nabuyagyag nga kaupod ni Celiz ang pila ka aktibo kag retirado nga mga pulis sa pag-test fire sa shooting range sa syudad upod kay Melvin Odicta Jr alyas Vin-Vin, ang bata ni PDEA 6-identified top drug personality Melvin Odicta alyas Boyet. (JoMaque)