Pagpangkakas sang mga illegal campaign materials sang mga kandidato sa syudad, ginsuguran na sang City Comelec

Iloilo City — Ginsuguran na kahapon sang City Comelec ang pagpangkakas sang mga posters san national candidates nga ginatapik sa mga poste, kudal, kahoy kag bisan sa mga government building kasubong sang day care centers kag barangay halls.

Nagsugod na ang Operation Baklas suno kay Asst. City Comelec Officer Jonathan Sayno kadungan sa campaign period sang mga nagapadalagan sa national positions.

Ginabug-usan ang Operation Baklas sang City Comelec Officer bilang chairman kag mga miembro sang PNP kag City Engineering sang DPWH.

Ginakakas man ang campaign materials sang mga kandidato bisan natapik sa common poster area kon oversize kag sa mga ginatapik sa kahoy kag kudal.  (JoMaque)