Pulis sa syudad, gindismiss sang Napolcom bangud sa kaso nga grave misconduct

Iloilo City–Gin-dismiss sang Commission en banc sang National Police Commission (NAPOLCOM) si PO3 Eleno Carillo nga assign sa Regional Intelligence Unit 6 matapos napamatud-an nga guilty sa kaso administratibo nga grave miconduct.

Naguwa ang desisyon sang NAPOLCOM sang Agosto 20, 2015 kag sang Martes lang nabaton ni PO3 Carillo. Nag-ugat ang kaso sa reklamo ni alyas Elle sang Brgy. Compania, Molo sang 2008 nga ginsakit, ginpahog kag gintayaan siya sang pusil ni PO3 Carillo. Suno pa diri, ginpuwersa siya nga magpirma sang marriage contract.

Si Carillo ang na-promote pa nga SPO1 antes gindismiss sa serbisyo. (Aine Grace Bravo)