Request para sa 33.7 million pesos nga proposed budget agud mahagan-hagan ang El Niño, ipasa ni Gov. Arthur Defensor sa Sangguniang Panlalawigan

Iloilo–Wala pa natapos ang mabaskug nga El Niño nga naga-apekto sa probinsya gani nga nagtigana ang Provincial government sang pondo agud mahagan-hagan ang epekto sini sa agrikultura kag iban pa nga sektor.

Natalana nga i-sumiter ni Governor Arthur Defensor ang request para sa 33.7 million pesos nga proposed budget sa Sangguniang Panlalawigan. Nagalaum si Defensor nga ma-aprubahan gilayon sang SP ang pondo nga gin-endorso kahapon sa pag-convene sang Task Force El Niño.

Suno kay Provincial Administrator Dr. Raul Banias, ang pondo gintunga sa pito ka sectoral areas nga ginalakipan sang tubig, agrikultura, forest and biodiversity, information and education campaign, health, veterinary, kag social capital. (Aine Grace Bravo)