City Comelec, nagalaum nga ma-finalize na ang lokasyon sang mga polling centers sa syudad!

Iloilo City–Ginalauman sang city Comelec nga ma-finalize na sa Marso ang lokasyon sang mga polling centers sa mga syudad sa bug-os nga pungsod.

Kasunod ini sang suhestyun sang Comelec nga sayluhon ang iban nga polling centers sa mall para sa Mayo 9 nga eleksyon. Suno kay Mr. Jonathan Sayno, election officer 2 sang city Comelec, madamo nga stakeholders ang ma-apektuhan kon indi ma-finalize ilabe na ang mga maestra kag mga political parties nga mapadala sang poll watchers.

Antes suno sa iya nga mapadala ang mga election paraphernalia pareho sang mga balota kag vote counting machines sa nagkalain-lain nga lugar sa pungsod, dapat mapiho ang lokasyon sang mga polling centers.

Sa Iloilo City, tatlo sa apat ka mga barangay sa syudad nga malapit sa mga malls ang pabor nga sayluhon ang polling centers bangud nga mas convenient sa mall. Kadam-an naman sang mga residente sa San Rafael, Mandurriao ang indi luyag nga sayluhon sa SM city ang ila polling centers. (Aine Grace Bravo)