Mayor Jed Patrick Mabilog, ginkasuhan sang libel sang balo ni the late Justice Sec. Raul Gonzales

Iloilo City–Nagpasaka na sang kaso nga libel sa City Prosecutor’s Office si Dr. Pacita Gonzalez, asawa ni the late Justice Sec. Raul Gonzalez, batuk kay Mayor Jed Patrick Mabilog.

Ginrason ni Dr. Gonzalez sa pagpasaka sang kaso ang nabasahan nga news item sa pahayagan nga The Daily Guardian sa diin gin-alegar nga gindalahig ni Mayor Mabilog ang pangalan sang anay Justice secretary nga ginbuligan ni Melvin Odicta, ang gintudlo ni PDEA 6 Director Paul Ledesma, nga drug group leader sa Iloilo. Ginpanginwala ni Dr. Gonzalez ang alegasyon rason nga nagpasaka sang kaso.

Ginpanindugan ni Gonzalez nga kontra sang iya bana ang illegal drugs sang buhi pa ini. (Aine Grace Bravo)