Update: Iloy sang 14-anyos nga dalagita, nagpa-athag nga na-impito lang sang gin-alegar nakita nga ginahimas sang iya kaupod sa pag-inum ang iya bata!

Pototan, Iloilo — Na-impito ang iloy sang gin-alegar nakita nga ginahimas sang iya kaupod sa pag-inom ang 14 anyos nga dalagita nga anak sini sa Cansilayan Pototan.

Ini ang rason ni Mary Joy Daliva nga ginlagas kag ginlampusan si Wilmer Siodena, 18-anyos.

Natabu ini suno kay Daliva sang Pebrero 16 sa diin napatay gid si Siodena bangud sang mga pilas sa ulo kag iban pa nga parte sang iya lawas.

Suno kay Daliva, nanulom ang iya panulok sa sobra nga kaakig kag wala na nabal-an kon ano ang gingamit sa paglampos sa biktima sang iya naabtan sa balay sang maglive-in partners nga Lilaine Joy Rodrigo kag Jeffrey Peñaflorida.

Gin-ako ni Daliva nga siya ang naghimo sang krimen matapos nagsungka sa Pototan police.

Pero gindakup man si Jay Porcado matapos gintudlo sang mga testigo nga kaupod ni daliva sa paglampos kay Siodena. Ginkasuhan na sang murder si Daliva.

Antes ang insidente, gin-ako ni Daliva nga magka-upod sila nga naga-inom-inom sang biktima kag ni Porcado. (Nemesio Martirez)