Gin-alegar notoryos sa pagpang-carnap sang mga motorsiklo sa syudad, arestado!

Iloilo City–Na-aresto sang Lapaz police ang lalaki nga ginpahayag notoryos na sa pagcarnap sang mga motorsiklo sa siyudad.

Nadakpan si Reymond Cabreza, pumuluyo sang Calahunan, Mandurriao, sang nagtuyo ini magpalagyo sa checkpoint sa Magsaysay, Lapaz. Nakuha kay Cabreza ang isa ka 38-kalibre nga revolver, duha ka sachets sang suspected shabu kag isa ka bundle sang empty plastic sachets.

Narecover man sa iya ang tseke nga naga-unod sang PHP831, 000 nga nakapangalan sa Housing Development Corporation nga gin-alegar sini napulot niya lang sa jeep. Sang ulihi, natukiban man nga kinawat ang motorsiklo nga ginamaneho sini nga ginapanag-iyahan sang chief tanod sang Javellana, Jaro.

Si cabreza ang nadakpan man sa raid sa Mandurriao sa diin madamo sang narecover nga motorsiklo. (Aine Grace Bravo)