Gov. Arthur Defensor, nagpabati-bati sa mga pulitiko nga wala nakatambung sa inagurasyon sang Iloilo Doppler and RADAR Synoptic Station sang PAGASA Iloilo

Iloilo City–Nagpabati-bati istorya si Governor Arthur Defensor sa mga pulitiko nga wala nakatambung sa inagurasyon sang Iloilo Doppler Radar and Synoptic Station sang DOST.

Sa gindeliver nga mensahe sang gobernador sa programa kahapon, ginpabutyag sini nga wala gid man sang political value ang inagurasyon gani posible nga ini ang rason nga indi interesado magtambung ang mga pulitiko nga gin-imbitar. Ginpahayag ni Defensor nga mangin interesado lang ang mga pulitiko kon may matabu na nga kalamidad.

Imbitado man sa inagurasyon sanday Iloilo City Mayor Jed Patrick Mabilog kag Congressman Jerry Treñas sang lone district sang syudad.

Ang state-of-the-art Doppler RADAR and Synoptic Station nahamtang sa Barangay Hamungaya, Jaro. Bangud sa bag-o nga gamit, ginalauman nga makabaton ang mga stakeholders sang mas ensakto nga weather forecast. (Aine Grace Bravo)