Pulis sa Leganes, patay matapos nabun-an sang manug-ihaw sang baboy; manug-ihaw, patay man sang nakabalos tiro ang pulis!
Leganes, Iloilo–Patay ang manug-ihaw sang baboy nga natiruhan sang pulis sa guwa sang videokehan sa Poblacion kaina sang kaagahon.
Ginkilala ang napatay kay Levy Carrera sang Cabantohan, Lemery. Ginpahayag nga nagbaisay si PO2 Rannie Onelongo kag utod ni Carrera gani nga nagpalapit si Levy kag ginbuno ang pulis nga naigo sa tiyan.
Nakagabot pa sang pusil si Onelongo kag gintiro si Carrera nga naigo sa tuo nga abaga nga gindala sa ospital sa syudad pero napatay. Napatay naman samtang ginabulong sa ospital si PO2 Onelonggo suno kay Insp. Gerry Leones, hepe sang Leganes PNP. (Aine Grace Bravo)