Trisikad driver, ginapatihan nga nag-suicide paagi sa pagtiro sang kaugalingon

Iloilo City–Patay na sang nasapwan ang trisikad driver sa Bolilao, Manduriao kaina sang kaagahon.

Ginkilala ini kay John Rey Caliso, 33-anyos. Ginapatihan nga naghikug ini paagi sa pagtiro sang kaugalingon. May nakita nga homemade shotgun malapit sa bangkay ni Caliso.

Suno sa mga residente, nakabati sila sang lupok sang pusil pasado ala-1 kaina sang kaagahon antes nasapwan ang bangkay ni Caliso. Gina-imbestigaran na sang Manduriao police ang natabu. (Aine Grace Bravo)