UPDATE: City Councilor Ed Peñaredondo, nagpa-athag kon nga-a ginsulod sa Supplemental Budget No. 2 ang 360 million pesos loan sang syudad agud ipatindog sang Senior High School buildings

Iloilo City–Gin-depensahan ni Councilor Ed Peñaredondo ang desisyon sang mayorya sang konseho sa pag-aprobar sang Supplemental Budget No. 2 nga nagalakip sa 360 milyones pesos nga loan sang City Government agud ipatindog sang mga school buildings para sa senior high school students.

Kasunod ini sang pagkuwestyun nanday Councilors Joshua Alim kag Plaridel Nava nga pagpa-in sang budget bisan wala nauyatan sang syudad ang pundo. Ginpa-athag ni Peñaredondo, chairman sang Committee on Approriations, nga kinahanglan magsulod sa general fund ang loan antes gastuhon sang syudad.

Indi man ini basta-basta magasto sang City Government kon wala sang authority halin sa konseho paagi sa pag-aprubar sang budget.        Ginrason ni Peñaredondo nga indi na kuntani pag-ilakip sa supplemental budget ang loan kon nadala ini sa annual budget.

Ginakabig na suno sa iya nga Appropriation Ordinance ang gin-aprubahan nga Supplemental Budget No. 2. Nagakahulugan nga mahimo na magasto sang syudad ang 360 milyones pesos nga loan. (Aine Grace Bravo)