Punong Barangay sa Sara, nadismaya sa Red Cross!

Sara, Iloilo–Nadudla na si Punong Barangay Manuel Agutaya sang Barangay Zerrudo sa pagdonar sang dugo sa Philippine Red Cross.

Ini kasunod sang insidente sa diin nagkinahanglan sang dugo ang isa niya ka residente pero wala ginhatagan sang Red Cross. Ginpa-athag sini nga nagdonar sang dugo ang duha niya ka mga residente kag ginhatagan sila sang card.

Sa ila paghangup, may pondo na nga dugo sa Red Cross ang taga-Zerrudo kabangdanan ginpadala sini ang card sa pamilya kag ginpakadto sa Red Cross. Naakig ang punong barangay sang nagbalik ang pamilya nga wala nahatagan sang bag sang dugo bangud wala sang gindala nga donor para ibulos sa ila kuhaun nga dugo.

Bangud sini, napilitan suno sa kapitan nga magpangita sang mautangan ang pamilya kag pati man siya agud maoperahan gilayon ang pasyente. Bangud man sini, ginpahayag sang punong barangay nga indi na siya magdonar sang dugo sa Red Cross bangud wala man sang pulos. (Aine Grace Bravo)