Alert Level 1, gin-implementar sa palibot sang Bulkan Kanlaon kasunod sang pag-aso kag pagbuga sang abo!

NIR–Nag-aso kag nagbuga sang abo ang Bulkan Kanlaon sa Negros Island Region kahapon nga naglawig sang 12 ka minutos.

Suno kay Engr. Andelyn Kensha sang PHIVOLCS Negros, nagsugod ang ash activity sang bulkan alas 6:20 sang gab-i sa diin naglab-ot sa mil 500 kilometro ang kataason sang ginbuga halin sa crater. May nabatian pa nga paglagumba kadungan sang pagbuga sang aso sa pila ka mga barangay malapit sa bulkan.

Gindeklarar sang PHIVOLCS ang alert level 1 kag gin-implementar ang 4-kilometer permanent danger zone. Wala na sang may na-record nga ikaduha nga ash eruption pagkatapos sang una nga aktibidad sang bulkan. (Aine Grace Bravo)