Former Vice Governor Rolex Suplico, nagkumpirmar sang pagsuporta kay Cong. Junjun Tupas nga nagapadalagan sa pagka-bise gobernador

Iloilo–Personal nga desisyon ang ginhimo ni former Vice Governor Rolex Suplico nga pagsuporta sa kandidatura sang iya pakaisa sa pagka-bise gobernador sa idalum sang Liberal Party nga si Cong. Junjun Tupas.

Suno kay Suplico, wala sang aregluhanay nga natabu sa tunga nila ni Cong. Tupas. Wala sang duda suno kay Suplico nga suportahan niya ang iya kadugo imbes nga ang kasumpong sini nga si Guimbal Mayor Christine Garin.

Sa kick-off rally sang LP sa Calinog sang Domingo, ginbayaw ni Suplico ang kamot ni Tupas bilang pagpakita sang iya suporta. (Aine Grace Bravo)