Mga nasunugan nga residente sa City Proper, nagdinaguso sa Police Station 1 agud magpa-blotter batuk kay Rodolfo “Boy” Supremo nga gintudlo nagsugod sang sunog !

Iloilo City — Gin-imbitar sang mga pulis si Rodolfo Supremo alyas Boy nga magkadtu sa police station agud pamangkuton matapos siya gintudlo nagsugod sang sunog sa Maria Clara kag Rizal Ibarra, City Proper kagab-i.

Nagdinaguso naman sa Police Station 1 ang mga residente nga nasunugan agud magpa-blotter kontra kay Boy Supremo.

Gintudlo si Supremo nga nagpamahug sadto nga sunugon ang ila barangay.

Nakibot na lang kagab-i ang mga residente sang nag-ibwal ang daku nga kalayo nga ginpahayag naghalin sa balay ni Supremo.

Nagbalibad naman nga magpa-interview si Supremo bangud nagalain ang iya pamatyag.

Sa record sang Bureau of Fire Protection, 54 ka mga balay ang gintupok sang kalayo samtang 8 ang partially damaged. 10 ang napilasan sa insidente lakip na ang duha ka mga bombero.

Temporaryo nga nagatiner ang mga nasunugan sa Sta Maria Catholic School covered gym, University of Iloilo kag sa mga health centers sang duha ka barangay. (JoMaque)