Update: 24 mil ka ektarya sang humayan sa probinsya, apektado sang El Niño suno sa Provincial Agriculture Office

Iloilo–Nagalab-ut na sa 31 ka banwa ang apektado sang El Niño suno sa Provincial Agriculture Office.

Base sa report sang Marso 7, 24 mil ka ektarya sang humayan ang apektado kag ang Sta. Barbara ang pinakanahalitan. 20 mil ang partially-damaged suno kay Provincial Agriculturist Ildefonso Toledo kag apat ka libo ka ektarya ang totally-damaged.

Ginbanta ni Toledo sa 800 milyones pesos ang balor sang kahalitan sa mga pananum. Gina-proseso na suno sa iya ang pagbakal sang water pump engine para sa mga mangunguma agud magamit sa ila mga talamnan. (Aine Grace Bravo)