PRO-6 Director PCSUPT Bernardo Diaz, handa magsabat sa alegasyon nga kaupod siya sa confidential meeting sang Liberal Party sa hotel sa Metro Manila

Iloilo City–Handa si PRO-6 Director PCSUPT Bernardo Diaz nga magpa-athag sa pamunuan sang Philippine National Police angut sa ginpahayag presensya niya sa sinapol sang Liberal Party sa hotel sa Manila sang Abril 2.

Ginpanindugan ni Diaz nga nagpakig-istorya lang siya sa mga kaupod nga heneral kag nagpanginbulahan sa bag-o retiro nga si PNP Deputy Director General Marcelo Garbo Jr. Indi makabig nga confidential ang pag-istoryahanay suno kay Diaz bangud yara sila sa pampubliko nga lugar. Wala man sang kamatuoran ang naguwa nga balita nga kaupod nila nga nagsapol ang mga taga-Liberal Party.

Nasiplatan sang mga journalists nga nagatambong sa workshop sang Center for Media Freedom and Responsibility ang mga heneral.

Una na ginmandu sang PNP kag AFP sa ila mga personnel nga indi mag-entra sa politika. (Aine Grace Bravo)