2 patay, 4 pilason sa pagbunggo sang Ceres bus sa mga trabahador sang DPWH sa Antique

Hamtic, Antique–Duha ka trabahador sang DPWH ang napatay kag apat pa ang pilason sang gin-arado sang Ceres bus sa Barangay Casalman.

Napatay sa ospital sanday Bernardo Salazar kag Salvador Naldo bangud sang mga patal nga pilas sa ulo. Kritikal naman sanday Redan Santos kag Andre Diano Diante samtang may menor nga kapilasan sanday Ernie Espaniola kag Armando Ebirico nga lunsay mga residente sang Antique.

Ginpahayag nga makarga kuntani ang mga biktima sang mini-road roller sa kilid sang karsada kag dal-on sa San Jose sang nasalakay sang Ceres bus. Ginpabutyag sang driver nga wala sila natalupangdan ang mga biktima bangud nga likuon kag dulhugon ang karsada.

Nagsurrender ang driver sang bus sa Hamtic police. (Aine Grace Bravo)