Janiuay Vice Mayor Jojo Lutero, nagpa-athag sang rason kon nga-a nagwithdraw sang suporta sa kandidatura sang asawa ni Mayor Frankie Locsin sa pagka-alkalde

Janiuay, Iloilo–Wala ginrespeto ni Mayor Frankie Locsin ang mga kaupod sini sa partido Liberal matapos ginpa-substitute sa iya kandidatura sa pagka-alkalde sa Mayo 9 nga eleksyon ang iya asawa nga si Mary Jane Faune-Locsin.

Ini ang rason ni Vice Mayor Jojo Lutero kon ngaa nagwithdraw ang iya grupo nga Concerned Alliance of Janiuaynons sang suporta sa kandidatura ni Faune-Locsin. Suno kay Lutero, wala gid sila ginkonsulta ni Mayor Locsin sa iya desisyon bisan nga isa lang sila ka partido.

Ginpahayag ni Lutero nga indi sila makasahu sa nasambit nga liderato. Baliskad ini suno sa bise alkalde sa pagpati nila nga mapadayon lang ang pag-uswag sang banwa kon transparent ang panggobyerno kag gina-involved ang tanan.

‘Insensitive’

Gintawag naman ni Lutero nga insensitive si Mrs. Faune-Locsin Suno sa bise alkalde, indi man taga-Janiuay ang asawa ni Mayor Locsin gani indi ini makahibalo mag-deal sa mga taga-banwa.

Ginpabutyag pa ni Lutero nga nagapamuyayaw sa publiko si Faune-Locsin kag may mga public tantrums nga indi pwede para sa public official. (Aine Grace Bravo)