Kaso nga Destructive Arson, gin-file sang BFP batuk kay Rodolfo “Boy” Supremo nga gintudlo nagsugod sang sunog sa Ma. Clara kag Rizal-Ibarra City Proper

Iloilo City — Ginpasaka na ang kaso batuk kay Rodolfo “Boy” Supremo ngha gintudlo nagsunog sa mga pamalay sa Ma. Clara kag Rizal-Ibarra, City Proper sang nagligad nga bulan.

Gin-file sang Bureau of Fire Protection ang kaso nga destructive arson batuk kay Supremo sa opisina ni City Prosecutor Ferdinand Magallanes.

Suno kay City Fire Marshall Supt Jerry Candido, bastante ang mga ebidensya batuk kay Supremo base sa judicial affidavit sang 8 ka mga testigo.

Ginpahayag sang mga testigo nga may napanimahu-an nga gas kag nakit-an nga may nagtub-ok nga aso sa balay ni Supremo apang iya ginpabay-an nga magdako ang kalayo tubtub naglaton sa iban nga pamalay.

Masobra 50 ka mga balay ang naupos samtang madamo pa ang partially-damaged nga balay sa Ma. Clara kag Rizal-Ibarra, City Proper.   (JoMaque)