Mga Taxi Drivers, nadismaya sa statement ni Ex-officio City Councilor Reyland Hervias nga magpasaka lang sang kaso sa korte kon may reklamo sa Log-in/Log-in Ordinance

Iloilo City–Makakilibot ang pahayag ni Liga President kag Ex-officio Councilor Reyland Hervias sa mga nagakwestyun sa iya gin-author nga Log-in/Log-out Ordinance sa mga taxi drivers.

Nakibot ang mga taxi drivers suno kay North-South Baluarte Taxi Drivers’ Association ukon NOSOBATA President Toto Baculado sa hambal ni Hervias nga magpasaka lang sang kaso sa korte agud ma-isyuhan sang temporary restraining order ukon TRO kag indi ma-implementar ang ordinansa.

Wala sang ikasarang ang mga taxi drivers suno kay Baculado sa panghangkat ni Hervias bangud wala sila sang inugbayad sa filing fee sa korte.

Nakibot man si Baculado nga naguwa ang penalidad sa mga taxi drivers kon indi makalog-out kon maguwa sa syudad kag maglog-in sa ila pagbalik bisan wala ginhambalan sa committee hearing ang penalty. (Aine Grace Bravo)