Pag-recalibrate sang Taxi Meters sa Western Visayas, Ginpa-iway sang LTFRB 6

Iloilo City–Wala pa ginsuguran sang LTFRB 6 ang pag-recalibrate sa taxi meters sa Western  Visayas.

Gintalana kuntani sa Abril ang pag-calibrate sang mga taxi meters agud himuon nga 30 pesos ang sa flagdown rate kag tapuson sa Hunyo suno kay LTFRB 6 Legal Officer Atty. Jose Marie Lamparero pero nagmandu ang board nga i-hold in abeyance. Ini bangud ginatun-an pa sang board ang rason sang mga taxi operators sa ila gin-file nga Motion for Reconsideration.

Gin-athag ni Lamparero nga 30 pesos gihapon ang flagdown rate nga bayaran sang pasahero bisan  40 pesos ang naga-reflect sa taxi meter base sa provisional order sang LTFRB Central Office.

Kon indi magbuhin sang 10 ka pesos ang taxi driver, ginpanugyan ni Lamparero ang pasahero nga kuhaon ang plate kag body number sang taxi kag i-reklamo sa LTFRB 6. (Aine Grace Bravo)