Update: Timbang sang Pamilya Latosa sa San Matias Dingle, gin-custody sang Kapulisan matapos Gindudahan nga may Partisipasyon sa Pagpatay sa Duha ka bata sang iya amo!

Dingle, Iloilo — Ginpatihan nga may kahilabtanan ang timbang sa pagpatay sa 2 ka mga kabataan sang iya amo sa Barangay San Matias, Dingle.

Ginpahayag ni SPO2 Alejandro Loretizo sang Dingle Police Station nga ila gin-custody ang timbang nga si alyas Charity sang Zamboanganita Dumaguete matapos nag-ako nga ginhatagan sang tagad ang ginatudlo nga suspetsado.

Gin-athag naman ni alyas Charity nga may nabati-an siya nga tig-ik sang bata kag nakit-an ang suspect nga naguwa sa garahe samtang nagapamunyag siya sang mga tanom sa garden sang pamilya Latosa kahapon sang hapon.

Naghambal pa ang suspect kay alyas Charity nga maghipos agud indi pag-isunod sini nga patyon ang ginikanan sang mga biktima.

May mga hanog sa ulo kag pilas sa tiyan ang 11-anyus nga si alyas Ryan kag 9-anyus nga si alyas Boy.

Ginapatihan nga ginlamposan sang tagad kag ginpangbuno ang mga biktima. (JoMaque)