Loboc Lapuz Punong Barangay Jojo Javellana, ginpasakaan sang kaso kriminal sang grupo ni Atty. Dan Cartagena

Iloilo City — Ginpasakaan sang kaso kriminal sang grupo ni Atty. Dan Cartagena nga nagapadalagan congressman sa lone district sang syudad si Punong Barangay Jojo Javellana sang Loboc Lapuz.

Ginkonfirmar ni Cartagena nga ginpasaka nila ang kaso sang nagligad nga semana.

Lakip sa kaso nga gin-file ang threat bangud sa ginpahayag pagpahug ni javellana sa pamilya sang ila supporter agud magsaylo sang suporta sa administrasyon kag electioneering.

Ginadumili suno kay Cartagena sa barangay official nga magpamahug ukon magpilit sa botante agud magsuporta pabor sa isa ka kandidato.

May tatlo pa ka kaso nga kasuhan ang grupo nanday Cartagena subong nga semana.

Ginapreparar na suno sa iya ang complaint kontra kay Barrio Obrero Punong Barangay Ricardo Diño bangud may kaangtanan sa pagkadula sang ila mga tarpaulins; regular employee sang General Services Office sang syudad bangud sa pagpamahug kag isa pa ka kaso kontra kay Punong Barangay Javellana bangud nga ginpahayag nakita ini nga naga-upod kay Mayor Jed Patrick Mabilog nga nakasuksok sang t-shirt nga duag yellow nga political color sang administrasyon. (JoMaque)