Update: Timbang sang Pamilya Latosa nga suspek sa pagpatay sa duha ka bata nga lalaki sa San Matias Dingle, nakomfirmar nga indi na Menor de Edad

Iloilo — Ipa-idalum sa pregnancy, drug kag psychiatric test sang dingle police ang timbang sang pamilya Latosa nga nag-ako nga siya ang nagpatay sa 11 anyos kag 9 anyos nga bata nga lalaki sang iya mga amo sa barangay San Matias, Dingle sang nagligad nga semana pero ginbawi man sang ulihi ang statement.

Suno kay SPO2 Alejandro Loretizo, nalipong si Charity sa sulod sang presuhan kahapon.

Nakonfirmar sang pamilya Latosa nga 18-anyos na si Charity sang Dumaguete.

Ginpahayag nga nag-abot ang ginikanan sang timbang bitbit ang birth certificate sini.

Tubtob subong suno kay Loretizo, nabudlayan gid sila sa pag-establisar kon ano gid ang natabu bangud nagalain-lain ang istorya sang timbang.

Napatay ang mag-utod bangud sang mga pilas sang pagkabuno sa tiyan kag paglampos sa ulo.

Si Charity kag isa ka John Doe ang ginkasuhan na sang double murder. (JoMaque)