38-anyos nga Lalaki sa Mandurriao, Ginpapreso sang iya Office Mate nga Babaye Matapos Ginpahayag nga Ginhagad Sang Suspek nga Magpa-lodging House!

Iloilo City–Ginpadakop sa pulis sang 19-anyos nga babaye ang office mate sini nga 38-anyos nga lalaki matapos ginpahayag nga ginhangad siya nga magpa-lodging house.

Nagatindog sa atubang sang SM City sa Mandurriao si alyas Ruffa sang ginpahayag nga ginpalapitan ni alyas Nilo, ginhagad nga magpa-lodging house kadungan sang pag-uyat sang wala nga butkon kag hawak sang babaye. Bangud sang kaakig sa ginhimo nga pagbastos sa iya, nagpangayo sang bulig si alyas Ruffa sa guwardiya sang mall kag ginpadakop sa pulis ang iya office mate.

Nagapabilin nga presu si alyas Nilo sa karsel sang Mandurriao Police Station. (Aine Grace Bravo)