Mga Voting Centers sa Syudad, Ginbisitahan sang mga Tiglawas sang City Comelec

Iloilo City–Ginbisitahan sang mga tiglawas sang City Comelec ang mga voting centers sa bug-os nga siyudad bilang pagpanghanda sa Mayo 9 nga eleksyon.

Suno kay Mr. Jonathan Sayno sang City Comelec, lima ka adlaw man ang ila ginhinguyang agud mabisitahan ang tanan nga polling precincts sa kada distrito sang siyudad. May gamay na lang nga problema suno sa iya parte sa linya sang elektrisidad pero sa Lunes natalana sila nga magsapol sa taga-City Engineer’s Office agud masolusyunan ang problema.

Nagpanawagan man ini sa tanan nga mga Board of Election Inspectors nga dapat magbutang gid sang holding room nga teniran sang mga botante sa election day. Sa Mayo 6 naman, natalana ang final testing kag sealing sang mga vote counting machines.

Sa kabug-usan may 430 ka mga clustered precincts sa siyudad nga maka-akomodar sang tag-800 ka botante. (Aine Grace Bravo)