5 ka mga Balay, nasunog sa Sooc Mandurriao!
Iloilo City — Lima ka mga balay ang nasunog sa Project 1, Barangay Sooc, Mandurriao kaina sang hapon.
Apat dire ang totally damaged nga ginalakipan sang balay ni Angelito Villas Cayetano, Antero Bergantino, Armon Fuertes kag Neneng Yap samtang partially damaged ang balay ni Mely Jardenico.
Sa initial nga imbestigasyon sang Bureau of Fire Protection, naghalin ang kalayo sa ginakaayo kag gina-welding nga balay ni Angelito Villas Cayetano.
Ginabanta sa P1.5 million ang balor sang kahalitan sa sunog. (JoMaque)