4 ka Barangay sa Lapaz, Nagahangla Gihapon nga Marasyonan sang Tubig

Iloilo City–Apat ka mga barangay sa Lapaz ang padayon nga nagahangla sang tubig nga i-rasyon sang Holland Water Refilling Station.

Ginalakipan ini sang Barangay Loboc, Bo. Obrero, Ingore kag Baldoza. Suno kay Ingore Punong Barangay Jonathan Jalandoni, ginpahibalo siya sang Red Cross nga rasyonan sang tubig ang barangay sang tatlo ka beses sa isa ka semana apang tubtub subong, wala gihapon naka-deliver ang Holland Water.

Posible suno kay Jalandoni nga na-atrasar lang ang water delivery sang Holland Water bangud wala ini sang water tanker.

Abril 25 sang gin-anunsyar sang city government nga masugod sa pag-deliver sang tubig ang Holland Water Refilling Station apang nakaligad lang ang isa ka semana, wala gihapon nakatilaw sang tubig ang mga apektado nga barangay. (Aine Grace Bravo)