Pulis, Gin-relieve sa Janiuay Police Station Bangud sa Ginpahayag Pagmolestiya sa 19-anyos nga Estudyante

Janiuay, Iloilo–Gin-relieve sa Janiuay Police Station ang pulis nga ginpahayag nag-molestya sa 19-anyos nga estudyante sang nagligad nga semana.

Suno kay PO2 Rea Cornea sang Women and Children’s Protection Desk sang Janiuay Police Station, nag-isyu sang memorandum order si Iloilo Police Provincial Office Director PSSUPT Roderick Augustus Alba kay PO3 Emilio Catedral sang Lambunao kag assigned nga radio operator kag duty jailer, agud sayluhon ini sa IPPO.

Katuyuan sini nga indi ma-impluwensyahan ang imbestigasyon batuk sa pulis.

Ginpahayag nga may ginkadtuan nga kakilala sa Janiuay Police Station ang tagreklamo sang ginpalapitan ini ni PO3 Catedral kag ginpahayag gin-agbayan kag ginhalukan sa guya. (Aine Grace Bravo)