Detachment sang 82nd Infantry Battalion sang Phil. Army sa Tubungan, ginpalukpan sang mga ginapatihan Rebelde

Tubungan, Iloilo — Ginhabuyan sang molotov cocktail kag ginpalukpan ang detachment sang Philippine Army 82^nd Infantry Battalion sa Barangay Lanag, Tubungan kaina sang kaagahon.

Ginkonfirmar ni Lieutenant Colonel Ray Tiongson, spokesman sang Philippine Army 3^rd Infantry Division, ang insidente nga natabu pasado ala-1 sang kaagahon.

Nagapati si Tiongson nga nagapanggarit-garit lang ang mga suspek.

Nakapalupok man suno kay Tiongson ang mga soldado pero nagpalagyo ang armado nga mga suspek nga nakasakay sa motorsiklo.

Wala sang nahalitan sa mga soldado.  Kumbinsido si Tiongson nga mga rebelde nga New People’s Army ang naka-engkwentro sang tropa. (JoMaque)