Tanod Commander sa Bingawan, gintiro patay!

Iloilo — Mahimo nga na-ukpan lang ang tanod commander sang Purok 3, Poblacion Bingawan sa kainit sa ulo sang suspect kabangdanan nga siya ang gintiro sang makaduha ka beses nga ginkabangdan sang iya kamatayon.

May pilas si tanod commander Bernardo Urbano sa dughan kag tiyan sang gintiro sang suspect nga si Nory Pelarca kag gindeklarar nga dead-on-arrival sa Calinog District Hospital.

Ginpahayag ni PO2 Dax Bello sang Bingawan Police Station nga nagpangakig si Pelarca sa iya hinablos nga si Mark Rigor sang naglabay si Urbano kag nagpamangkot kon anu ang natabu, apang nagabot sang 45 caliber pistol ang suspect kag gintiro ang biktima.

Ginpahayag nga si Pelarca ang may kaso nga murder sang 2004 apang wala napreso bangud gin-areglo ang pamilya sang iya ginpatay.  (JoMaque)