Mga Pipelines sang MIWD, Maka-akomodar na Sang Mas Daku nga Volume sang Water Supply
Iloilo City–Maka-akomodar na ang Metro Iloilo Water District (MIWD) ang 15 thousand cubic meters nga water supply kada adlaw halin sa bulk water supplier nga Flo Water.
Suno kay MIWD OIC Engr. Jerry Guillergan, naka-install na sila sang 400-millimeter ukon 16-inch diameter nga pipeline halin sa Leganes pakadto sa Ungka, Jaro. Yara na ini sa final stage sang preparasyon para sa pag-inject sang bulk water supply sa Mayo 17.
Ginpahayag ni Guillergan nga gin-disenyo ang amo nga pipeline agud mag-akomodar sang sang 9 thousand cubic meters nga water supply halin sa Flo Water. Sa 15 thousand cubic meters nga ginapasulod sang Flo Water sa daan nga tubo sang MIWD, 6 thousand cubic meters lang ang ma-akomodar bangud indi masarangan sang pipeline sang water district.
Sa tion nga mapasulod na ang 15 thousand cubic meters nga water supply, una nga mabenipisyuhan suno kay Guillergan ang service area sang MIWD sa Jaro pakadto sa Lapaz kag City Proper. (Aine Grace Bravo)
Sang May 14, 2016 mga bag o mag alasyete sa aga nag pa gas ako sa Petron Cabatuan nagbayad kuha sa walet ko pagpuli ko sa balay sa maasin wala na ang walet ko, kung sin o man ang nagapulot palihog lang balik sa Police Station sang Cabatuan kay tama gid ato ka importante inugbayad pa ina sa Hospital